"Lokomotiv" yangi futbolchilarni tanishtirdi FOTO

Bugun “Lokomotiv” stadionining matbuot anjumanlari zalida 2019 yil futbol mavsumi oldidan yangi futbolchilarni tanishtirish marosimi o'tkazildi.

Ma'lumki, “Lokomotiv” mavsumga tayyorgarlik chog'ida 8 nafar yangi futbolchi bilan shartnoma imzoladi. Jamoa safini esa Ignatiy Nesterov, Sanjar Shoahmedov, Kaxi Maxaradze, Ikrom Aliboev, Sadriddin Abdullaev, Marat Bikmaev, Nikolay Pogrebnyak tark etishdi.

Ketganlar o'rnini to'ldirish maqsadida quyidagi futbolchilar taklif etildi:

Aziz Haydarov (avvalgi jamoasi “Bunyodkor”)
Jamshid Iskanderov (avvalgi jamoasi “Paxtakor”)
Filip Rayevats (avvalgi jamoasi “Bunyodkor”)
Avazbek O'lmasaliev (avvalgi jamoasi “Neftchi”)
Yovan Jokich (avvalgi jamoasi AGMK)
Davron Hoshimov (avvalgi jamoasi “Navbahor”)
Javohir Ilyosov (avvalgi jamoasi “Metallurg”)
Arslonmurod Amanov (avvalgi jamoasi “Buxoro”)

Bugungi tanishtiruv marosimida “Lokomotiv” PFK Bosh direktor o'rinbosari To'labek Akramov, jamoa bosh murabbiyi Andrey Fyodorov, futbolchilar hamda OAV xodimlari ishtirok etishdi. Tanishtiruv marosimida yangi futbolchilarning joriy mavsum qaysi raqamli futbolkalarda to'p tepishi oydinlashdi.

Demak, Aziz Haydarov №7, Jamshid Iskanderov №8, Filip Rayevats №9, Avazbek O'lmasaliev №19, Yovan Jokich №23, Davron Hoshimov №24, Javohir Ilyosov №35 va Arslonmurod Amanov №71 raqamli futbolkalarda “Loko” safida o'ynaydigan bo'lishdi.

Quyida tadbirdan fotosuratlarni e'tiboringizga havola etamiz.