Mashhur klublarni o'z mulkiga aylantirgan badavlatlar

Zamonaviy futbol olamida investorlarning o'rni beqiyos. Bugun «Forbes» jurnali bergan ma'lumotlarga tayangan holda tuzilgan reytingni sizga taqdim etamiz.

5-o'rin Roman Abramovich

Eng katta xaridi - Kepa Arrisabalaga. 80 million evro

Kelib chiqishi rossiyalik bo'lgan biznesmen klubni atigi 200 millionga xarid qilgan bo'lsada, hozirda shu klub ortidan katta daromad olmoqda. U «Chelsi»ning rivojlanishi yo'lida har bir ishga bosh-qosh bo'lib kelmoqda. Klubdagi hech qanday qaror uning ruhsatisiz qabul qilnmaydi va uning e'tiboridan hech narsa chetda qolmaydi. Qahramonimiz «GazProm»dagi o'z ulushlarini sotib Buyuk Britaniya fuqaroligini oldi va hozirda London shahrida istiqomat qiladi. Uning kapitali 9.4 milliardni tashkil etadi. Roman Abramovich «Chelsi» uchun 2003-yildan hozirga qadar deyarli 2 milliard evro ishlatgan bo'lsada, bu pullar havoga uchib ketmadi. Hozirda «Chelsi» dunyoning eng mashhur klublaridan biriga aylanishga muvaffaq bo'ldi.

4-o'rin

Filip Anshutts

Eng katta haridi Jovani Dos Santos 6,5 million evro.

Ameriklalik ish bilarmon o'zining topqirlii bilan boshqalardan keskin farq qiladi. «Los Anjelos Galaksiy» klubi egasi Amerika futbolining otasi  hisoblaniladi. U «MLS»ning paydo bo'lishi uchun katta mehnat va sarmoya sarflagan chinakam magnat. U 1994-yildan shu kunga qadar atigi 20 million evro sarflagan bo'lsada, aql bovar qilmas foyda olishga muvaffaq bo'ldi. Uning kapitali 11,4 milliard evroga baholangan. Filip futbol bilan cheklanib qolmagan. Uning asosiy daromadi energiya va ko'chmas mulk ortidan keladi. U sayyoramizdagi 100 ta qudratli insonlar sirasiga kiradi. U shunindek, bir nechta basketbol va xokkey klublarining ham egasi, ishbilarmon, o'zining yillik daromadining katta qismini tibbiyot va ta'lim uchun sarflaydi.

3-o'rin

Anelli oilasi

Eng katta xaridi Kristiano Ronaldo. 117 million evro

Anelli oilasi klubning rivoji uchun necha pul sarflaganini hisoblab chiqishning deyarli iloji bo'lmasada, 1923-yildan boshlab hozirgi kunlarga qadar taxminiy hisob-kitoblarga qaraganda, 1,8 milliardni tashkil etadi. Anelli oilasining kapitali 11,8 milliardga baholanadi. Bu oilaga klub uchun bir necha bor fantastik summalarni taklif etishlariga qaramasdan, oila hamma takliflarni rad etib kelmoqda. Bu oila shuningdek, «Fiat» kompaniyasining egasi sanaladi. 2010-yildan boshlab klubning direktori sifatida ish boshlagan Andreya Anelli «Yuve» uchun katta hajmdagi ishni amalga oshirdi va oshirishda davom etmoqda. U klubni oyoqqa turishi va oldingi mavqeyiga chiqib olishi uchun bor imkoniyatlarini ishga solmoqda

2-o'rin

Shayx Mansur

Eng katta xaridi Kevin De Bryune. 76 million evro

Shayx Mansur 2007-yilda ushbu klub tepasiga kelgan bo'lsada, hozirgi kunga qadar 1,67 milliard qiymatida harajat qilishga ulgurdi. U BAA qirolining 5-og'li sanaladi. Dunyoning eng mashhur oliygohlarida ta'lim olgan qahramonimiz o'z so'zida turdi va «Man Siti»ni top klub darajasiga olib chiqa oldi. Hozirda Shayx Mansur BAA da katta lavozimlarda ishlab kelmoqda. Uning klub muxlislari oldida aytgan so'zlari sekin-sekin amalda o'zini ko'rsatayotganiga qarmasdan, haligacha EChL da g'oliblik uning klubiga nasib etmayapti. Uning kapitali 19,4 milliard evroga baholansada, yashash tarzi bosha magnatlarnikidan farq qiladi. U ko'proq siyosatchilarga xos hayot tarzida yashaydi.  Shayx Mansurning Baraka Obama va Donald Tramp bilan do'stona aloqada ekanligi so'zimizga isbot bo'la oladi.

1-o'rin

Ditrix Mateshits

«RB Zalsburg» va «RB Leyptsig»

Eng katta xaridi Nabi Keyta. 30 million evro

Bu inson «Red Bull» kompaniyasining 49% aktsiyasi egasi sanaladi. U ikkita klub uchun deyarli 1 milliard evro ishlatgan bo'lsada, uning kapitali yil sayin o'sib bormoqda. So'nggi hisob-kitoblarga qaraganda, hozirda magnatning 20,1 milliard evrodan ziyodroq mablag'i mavjud. U kichik biznesdan ish boshlagan bo'lsada, katta yutuqlarga erisha olmaydi. 40 yoshga to'lganda, taylandlik olimning energetik ichimlik o'ylab topganidan xabar topadi va bor pullini shu ishga tikadi. Keyinchalik «Red Bull» nomi bilan butun dunyoni zabt etgan ichimlikning asoschilaridan biri sanaladagin Ditrix futbol klublari uchun pulni ayamaydi. Uning klublari logotiplarida ham «Red Bul» kompaniyasining belgisi bor ekanligining sababi ham aynan shunda. Ditrix bu ichimlikni sport orqali katta tezlikda ommalashtirib yubordi desak, adashmagan bo'lamiz!

Yahyoxo'ja Ulug'xo'jaev