«Atletiko» va «Yuventus» o'ziga xos almashinuv amalga oshirishi mumkin

«Atletiko» Rodrigo Bentankurning transferi borasida «Yuventus» bilan muzokara olib bormoqda.

Turin klubi urugvaylik futbolchi uchun 40 million evro talab qilmoqda, ammo turli futbolchilar bilan almashinuv istisno etilmaydi.

«Keksa senora» Bentankur evaziga quyidagi «matraschilar» vakillari: Xose Ximenes, Stefan Savich, Toma Lemar yoki Renan Lodilardan birini o'z tarkibiga qo'shib odishga tayyor.

Ma'lumot o'rnida, yarimhimoyachi joriy mavsum «Yuventus» bilan birga barcha musobaqalarda 44 o'yin o'tkazib, 4 assist muallifiga aylangan.

Manba: Calciomercato