Ter Stegen haqida 5 ta qiziq ma'lumot

Zamonaviy futbolda yaxshi darvozabon tobora kamayib bormoqda. Bugun ana shunday darvozabonlardan biri haqida so'z boradi.

 18 yoshida O'z klubini «Bundesliga»da saqlab qolgan.

2010-2011-yilgi mavsumda Lyusien Favr «Bundesliga»dan chiqib ketish arafasida turgan klubga bosh murabbiy bo'lgach, "Borussiya Myunhengladbax"ning yoshlar tarkibidagi Ter Stegenni asosiy tarkib darvozaboni qilib qo'yadi. Ilk uchrashuvda atigi bir bor to'p o'tkazgan Stegen, ketma-ket 5 ta uchrashuvda darvozasining dahlsizligini ta'minlaydi va klubni «Bundesliga»da olib qoladi.

Terma Jamoadagi omadsiz start

Avvaliga, 2012-yildagi Evropa chempionatiga ketishi kutilayotgan qahramonimiz o'zining ilk uchrashuvida Shvetsariya terma jamoasiga qarshi maydonga tushadi va naqd 5 ta gol o'tkazib yuboradi. Bu ham etmaginidek AQSh bilan o'rtoqlik uchrashuvida to'pni to'xtatishda qo'pol xato qiladi va avtogol mualiffiga aylanadi. Uning bunday xurmacha qiliqlari o'zi shundoq ham katta savol ostida turgan asosiy darvozabonlik o'rnini to'liq boy berishiga olib keladi.

Barselonaning yangi asrdagi eng omadli haridi.

2014-yilda kataloniyaliklar atigi 12 million evro evaziga Ter Stegen bilan besh yillik shartnoma imzolashadi. Hozirda Kepa, Ederson singari o'rtamiyona darvozabonlarning narhi bilan solishtirganda «Barselona» ajoyib xaridni amalga oshirgani yaqqol namoyon bo'lmoqda. Hozirda qahramonimizning transfermarketdagi narxi 100 milliondan ham oshib ketgan. «Barselona» bir o'q bilan ikki quyonni urganiga shu faktning o'zi isbot bo'la oladi.

Yosh bo'lishiga qaramasdan ko'p narsaga ulgurgan.

Yosh bo'lsada katta tajriba va ko'plab sovrinlar egasi sanaladi. Uning hisobida EChL, Ispaniya kubogi, Super Kubog, 3 bor «La Liga» g'olibligi…  qahramonimiz futbol olamiga erta kirib keldi va muhim tajribani tengdoshlariga qaraganda tezroq orttirdi va haqli ravishda «Barselona»ning birinchi raqamli darvozaboniga aylandi. Uning so'nggi paytlarda ko'rsatayotgan o'yinlari shunchaki fantastika.

Uning kumiri.

U intervyularidan birida - «Men yoshligimdan beri Buffoning muxlisliman. U mening idealim. Doim unga o'xshashga harakat qilganman. Uning maydonda aql bilan harakatlanishi, ortiqcha reaktsiyalarsiz ham to'g'ri joy tanlash evaziga vaziyatlarni o'z foydasiga hal qilishi meni doim hayratda qoldirgan», - degan edi