Pirlo: "Bu kutilmagan qaror emas edi"

Turinning «Yuventus» klubi bosh murabbiyi Andrea Pirlo jamoa posboni Janluiji Buffon bilan suhbatlashdi. Eslatib o'tamiz, avvalroq Buffon ushbu mavsum oxirida «Yuve» dan ketishini ma'lum qilgandi.

«Buffonning qarori? Uning qarori haqida bir necha oy oldin bilgan edik. U hamma narsani oldindan aytib berdi. Shuning uchun, bu kutilmagan qaror emas edi. Men uning har bir tanlovini hurmat qilaman», - deydi Pirlo.

Eslatib o'tamiz, kecha Buffon «Yuventus» «Sassuolo»ni mag'lubiyatga uchratgan bahsda jamoasiga katta yordam berdi - u Domeniko Berardining penaltidan bergan zarbasini qaytardi.