"Manchester Yunayted" o'z maydonida "Liverpul"ni qabul qiladi (prevyu)

Bugun, 13 may kuni tunda ikki Angliya klublari o'rtasida juda ham kuchli qarama qarshilik bo'lib o'tadi.

Ushbu jamoalar azaldan bir-birlariga raqib hisoblanishadi, bugungi o'yin esa futbolchilar uchun ham, murabbiylar uchun ham mavsumdagi eng muhim o'yinlardan biri bo'ladi.

Biri bu mavsumda bekorga ikkinchi o'rinda bormayotganini isbotlamoqchi bo'lsa, ikkinchisi butun jamoa bilan hali ham qanday kuchga egaligini ko'rsatish uchun harakat qiladi.

“Manchester Yunayted” o'z maydonida doim ustunlikka urinsa, “Liverpul” muhlislarga inqirozni bir tasodifligini isbotlash uchun intiladi.

Sulsher shogirdlari o'tgan turda “Lester”ni qabul qilishdi. “Liverpul” muxlislari “Yunayted”ning iltifotiga muhtoj edilar, lekin “qizillar” o'zlari istagan natijaga erisha olishmadi.“Qizil iblislar”ning 2:1 hisobida mag'lub bo'lgani “Liverpul”ni deyarli Evropa Ligasiga ravona qildi desa ham bo'ladi.

Bugun Sulsher qo'l ostidagi jamoa “Liverpul”ni ayab o'tirmasligi aniq, chunki “MYu”ning hozirgi tarkibi doim g'alaba uchun harakat qilmoqda.

“Yunayted” o'tgan mavsumda “Liverpul”dan 33 ochko ortda qolgan edi, ko'plab omadsizliklarni boshidan kechirgan Klopp jamoasi esa Evropa Ligasi uchun o'ynaydigan jamoa bo'lib qoldi.

APLning 49 uchrashuvida 25 gol urdi va 18 golga uzatma – Bruno Fernandesh “Manchester Yunayted”ga kelganidan keyin jamoani muvaffaqiyat sari etaklay boshladi. Aynan u Sulsherning “qolipi”ga tusha oldi va boshqa futbolchilarga ham motivatsiya bera oldi.

“Yunayted”ning yana bir omadli transferlaridan biri, Harri Maguayr hozirda Rio Ferdinand kabi o'zini ko'rsatmoqda desak mubolag'a bo'lmaydi.

Hozirgi “MYu”da Fergyuson davridagi ko'plab jihatlar bor masalan, jasurlik, ba'zida omadli, hatto o'z darajasidan pastroq bo'lsa ham o'z ustunligiga ishonadigan fazilatlar.

Endi esa “Liverpul” ga kelsak, Klopp bu mavsumda jamoasi bilan juda ham qiyin davrlarni boshidan o'tkazyapti. Xususan himoyachi Virjil van Deykning jarohati “Liverpul”ga juda ham qattiq ta'sir qildi. Vandeykdan tashqari Xenderson, Gomes va Matiplarning yo'qligi Kloppni o'ylantirib qo'ydi. Ammo jarohatlanganlardan tashqari juda ham kuchli futbolchilari jamoa safida deyarli doim bo'lgan, Saloh, Mane, Firmino kabi o'yinchilar afsuski, o'z darajasida o'ynay olmayaptilar.

Ushbu jamoalar umumiy 207 bor to'qnash kelishgan. Shundan 82 uchrashuvda «Manchester Yunayted» g'alaba qozonga, 67 bahsda «Liverpul» klubining qo'li baland kelgan va 58 o'yin durrang natija qayt etilgan.

Eslatib o'tamiz, “Manchester Yunayted” va “Liverpul” uchrashuvi bugun 00:15da star oladi. Bu to'qnashuvni UzReport kanali orqali kuzatishingiz mumkin.