Elman Tagaev: «Navbahor»ga kerakligimni isbotlayman»

“Navbahor”ning yig'iniga yaqinda kelib qo'shilgan Elman Tagaev yangi klubi haqida fikrlarini bildirib o'tdi.

“Avval ham O'zbekistonda o'ynaganim uchun yurtingiz futboli haqida tasavvurga egaman. “Navbahor”da esa o'z vaqtida Turkmaniston terma jamoasi vakillari va murabbiylari ish olib borgan.

O'z o'yinim orqali murabbiylar ishonchini oqlab, jamoa uchun kerakli o'yinchi ekanligimni isbotlashim lozim. “Navbahor”dagi ayrim o'yinchilar menga notanish emas. Masalan, Bahodir Nasimov bilan Ozarboyjonda ko'rishganmiz. O'ylaymanki, hammasi yaxshi bo'ladi”, - deydi Tagaev.