Xendersonning holati haqida hisobot berildi

«Liverpul» ustozi Yurgen Klopp jamoasi sardori Jordan Xedersonning tiklanishi vaqti haqida gapirdi.

Nemis murabbiyining so'zlariga ko'ra, 30 yoshli futbolchi uchun mavsum tugagan, ammo uning Evro-2020 o'yinlarida qatnashish imkoniyati mavjud.

Angliyalik yarimhimoyachi 20 fevraldan beri jarohatini tiklamoqda. U «Everton» bilan derbida jarohat olgan edi.

Ma'lumot uchun, «Liverpul» APLning 34-turida 57 ochko bilan oltinchi o'rinda bormoqda.

Angliya terma jamoasi Evro-2020 guruh bosqichida Xorvatiya, Chexiya va Shotlandiyaga qarshi o'ynaydi.