Ueyn Runining jamoasi Chempionship bilan xayrlashishi mumkin

Runi o'zining murabbiylik faoliyatini boshlagan Chempionship klubi - "Derbi Kaunti" quyi divizionga tushib ketish xavfi ostida qolgan. Bu holat klubni EFL bilan mojarosi sababli yuz berishi mumkin. Dastlab, «Derbi»ga 2020 yilning yanvar oyida ikkita moliyaviy feyr-pley ayblovi qo'yilgan.

Chempionship rahbariyati klubni yana moliyaviy feyr-pley qoidalarini qo'pol ravishda buzganlikda ayblamoqda. Bu borada appelyatsiya ham berilgan. Yakuniy qaror mustaqil sud hay'ati tomonidan qabul qilinadi va bu yoki keyingi mavsum muddati uchun jazo tayinlanishi to'g'risida muzokaralar olib boriladi.