"Lester" murabbiyi "Manchester Siti"ni chempionlik bilan tabrikladi

"Lester" bosh murabbiyi Brendan Rojers "Manchester Yunayted" ustidan qozonilgan g'alaba (2:1) haqida fikr bildirdi.

"Chempionlar Ligasiga chiqish uchun juda katta qadam tashlandi. Jamoa bilan faxrlanaman. Yaxshi boshladik va Lyuk Tomas ajoyib gol urdi. Goldan keyin biz sekin o'ynay boshladik va to'pni juda oson berib qo'ydik, bu esa raqiblarni ruhlantirdi. Ammo, ikkinchi bo'limda ancha yaxshi ko'rinishga ega bo'ldik va ularni to'xtatdik. Pep Gvardiola va uning jamoasini tabriklayman. Bu ajoyib jamoa. Ular Chempionlar Ligasi finaliga chiqishdi, ular Angliya chempioni. Ular bunga loyiqdirlar", - deydi Rojers.