«Turkish Women's Cup 2019». O'zbekiston ayollar OTJ musobaqani g'alaba bilan boshladi

O'zbekiston ayollar olimpiya terma jamoasi bugun Turkiyada "Turkish Women's Cup 2019" xalqaro musobaqasidagi ishtirokini boshladi.   Dastlabki raqibimiz Hindiston terma jamoasi bo'ldi. O'yin Bahrom Norsafarov shogirdlarining kichik hisobdagi g'alabasi bilan yakuniga etdi.   Yagona golni 8-daqiqada Malika Burhonova kiritdi. Endi O'zbekiston terma jamoasi a'zolari 1 mart kuni Ruminiya terma jamoasiga qarshi bahs olib borishadi. 3 mart kuni esa Turkmaniston bilan kuch sinashamiz.