UEFA bugun Chempionlar Ligasi finalini boshqa shaharga ko'chirishga qaror qiladi

Jurnalist Nikolo Shkiraning xabar berishicha, amaldagi Chempionlar Ligasining final uchrashuvi o'tkaziladigan joy to'g'risida bugun qaror qabul qilinadi.

Unga ko'ra, yaqin bir necha soat ichida UEFA hal qiluvchi o'yinni Istanbulda emas, London yoki Lissabonda o'tkazilishini e'lon qiladi.

Qayd etish mumkin, Turkiya xavf ehtimoli yuqori bo'lgan mamlakat sifatida u erda koronavirus bilan kasallanish holati keskin ortgani uchun Final o'yinini o'tkazish huquqini yo'qotishi mumkin.

Ehtimol, Istanbul 2023 yildagi Chempionlar Ligasi finalini qabul qilishi mumkin.

Eslatib o'tamiz, ushbu mavsumda asosiy sovrin uchun «Manchester Siti» va «Chelsi» jamoalari 29 may kuni kurash olib borishadi.