Hakamga tashlangan "Neftchi" futbolchilarining bittasi safga qaytishi mumkin

“Neftchi” futbolchisi Doston Toshmatov o'tgan mavsum yakunidagi ko'ngilsizlik sabab Tartib-intizom qo'mitasi tomonidan 10 ta uchrashuvga chetlashtirilgandi. Bugungacha mana shu diskvalifikatsiya o'z yakuniga etdi.

Toshmatov “Neftchi”ning Superliga yo'llanmasi uchun kechgan “Andijon”ga qarshi uchrashuvini qo'yib yuborishdan tashqari, joriy mavsum Pro liganing 6 ta hamda kubokning 3 ta uchrashuvida ham ishtirok etmadi. Ayni vaqtda “Neftchi” futbolchini “Sho'rtan”ga qarshi uchrashuv qaydnomasiga kiritish huquqiga ega.