A Seriya. «Milan» Turinda «Yuventus»ni yanchib tashladi (videosharh)

Italiya chempionati 35-turi doirasida «Yuventus» «Milan»ni qabul qildi. «Alyants Stedium» o'yingohida kechgan bahsda maydon egalari raqiblaridan javobsiz 3ta gol qabul qilib olgan holda yirik hisobda mag'lub bo'lishdi.

Dastlab, deyarli teng kurashlar asnosida o'tgan birinchi bo'limda mehmonlar Braim Diasning qo'shib berilgan daqiqalarda kiritilgan goli evaziga tanaffusga yo'l olishdi.

Ikkinchi taym o'rtalarida esa, Rebich Ibraximovichning uzatmasini golga aylantirib, hisobni yana bittaga oshirib qo'ygan bo'lsa, so'nggi daqiqalar yaqinlashayotgan bir pallada «Yuventus» o'z darvozasidan uchinchi to'pni olib chiqishga ham majbur bo'ldi.

Ushbu, o'yinga nuqta qo'ygan gol esa Fikayo Tomori hisobiga yozildi. Yakunda hisob, 0:3, «rossioneri» Turindan muhim bo'lgan 3 ochkoni olib qaytmoqda.

Shu tariqa, bugungi o'yin natijasiga ko'ra, hozirgacha 72 ochko to'plagan «Milan» kuchli uchlikka yakun yasab bermoqda. 35 turdan keyin, hisobidagi 69 ochko bilan «Yuventus» esa beshinchi pog'onani band etdi.

«Yuventus» – «Milan». 0:3(1:0,2:0) «Alyants Stedium»

Gollar: 0:1 – 45 Braim Dias, 0:2 – 78 Rebich, 0:3 – 82 Tomori.

«Yuventus» – Shchensni, Kellini, Aleks Sandro, de Ligt, Makkenni, Kuadrado, Bentankur (Kulusevski, 67), Rabo, Keza (Dibala, 79), Ronaldu, Morata.

«Milan» – Donnarumma, Kalabriya, Tomori, Ker, Teo, Chalxanoglu, Bennaser (Diogu Dalot, 82), Kessie, Salemakers (Meyte, 82), Braim Dias (Krunich, 70), Ibragimovich (Rebich, 66).

Ogohlantirishlar:
Keza (53), Kellini (57), Braim Dias (59), Salemakers (76).