Keyingi mavsum APLda o'ynamaydigan navbatdagi jamoa nomi ma'lum bo'ldi

Bir yildan so'ng yana «Vest Bromvich» Premer-ligadan tushib ketdi.

Angliya chempionatining 35-turida «Vest Bromvich Albion» Londonning «Arsenal» jamoasiga 1:3 hisobida imkoniyatni boy berdi va APLning keyingi mavsumidan chetlatildi.

Hozirda, Sem Ellardays boshchiligidagi jamoa ushbu mavsumdagi 35 o'yindan so'ng 26 ochkoga ega. Mavsum tugashiga uch tur qolganida «qoralar» 17-o'rindagi «Byornli»dan 10 ochko ortda qolmoqda va bu ularga Premer-ligada qolishga imkon beradi.

Endi, mavsumning so'nggi 3ta turida faqat g'alabaga erishsa ham «Vest Brom»ga Angliya Premer-ligasidagi o'rnini saqlab qolishga yordam bermaydi. «Vest Brom» Angliya futboli elitasiga qaytganidan keyin birinchi mavsumda chetlatildi.

Sem Ellardays jamoasi ligadan rasman tushib ketgan ikkinchi jamoaga aylandi. 18-aprel kuni 32-tur uchrashuvidan so'ng, «Sheffild Yunayted» ham keyingi mavsumda Premer-ligada ishtirok etish uchun barcha imkoniyatlarni yo'qotgan edi.