Anchelotti: «Bu hayot-mamot o'yini bo'lishini bilardik»

«Everton» bosh murabbiyi Karlo Anchelotti APLning 35-turidan o'rin olgan «Vest Xem»ga qarshi (1:0) uchrashuvdan so'ng, fikr bildirdi.

«Mening futbolchilarim o'yinning kechishiga yaxshi moslasha olishdi. Biz juda yaxshi himoyalandik va bu umuman oson bo'lmadi.

Bo'sh hududlarni yaxshilab yopdik va o'zimiz qarshi hujumda o'ynashga harakat qildik. Har doim, mehmonda g'alaba qozonganimizda, biz aynan shu turdagi futbolni namoyish etdik. Ushbu mavsumda biz safarda 11 o'yinda g'alaba qozondik va bu juda yaxshi.

Biz bugun hayot-mamot uchrashuv ekanligini bilar edik, chunki yutqazsak, shubhasiz, xalqaro maydon yo'llanmasidan bebahra qolar edik.

«Vest Xem» to'pga ko'proq egalik qilishidan xavotirlanmadim, chunki to'p nazorati gol urishni anglatmaydi. Biz to'pga juda ko'p va tez-tez egalik qiladigan jamoa emasmiz, chunki bizda har xil uslublar bor», - deydi italiyalik mutaxassis.

Ma'lumot uchun, «Everton» 34 turdan so'ng, 55 ochko jamg'argan holda APL turnir jadvalida sakkinchi o'rinni egallab turibdi.