MYu muxlislari tufayli katta shartnomadan quruq qoldi

"Manchechter Yunayted" klubi rahbariyatining The Hut Group bilan tuzilishi kerak bo'lgan shartnomasi bekor bo'ldi.

Tomonlar 10 yil va 200 million funt sterlingdan iborat shartnomaga kelishib olishga yaqin bo'lib turgan edi. Unga ko'ra, AON o'rniga jamoaning mashg'ulot formasida THG kompaniyasiga tegishli "Myprotein" kompaniyasining logotipi bo'lishi kutilayotgan edi.

"Qizil iblislar" muxlislari esa klub egalariga, ya'ni Gleyzerlar oilasiga qarshi chiqishmoqda. Muxlislar «Manchester Yunayted» ning asosiy sheriklarining xizmatlari va tovarlarini boykot qilishga chaqirgan harakatlarni boshladi. Shuning uchun, The Hut Group bu shartnomadan voz kechdi.