«Arsenal» ketma-ket beshinchi mavsum Chempionlar Ligasida o'ynamaydi

Londonning «Arsenal» klubi kelasi mavsum ham Chempionlar Ligasida qatnashmaydigan bo'ldi.

«Chelsi» "Manchester Siti" ustidan qozongan g'alabasi orqali ochkolar sonini 64taga etkazib musobaqa jadvalining uchinchi pog'onasiga ko'tarilib oldi. Ayni paytda APLda to'rtinchi o'rinda borayotgan «Lester» hisobida 63 ochko mavjud.

Shu tariqa, 49 ochkoga ega bo'lib turgan Mikel Arteta jamoasi mavsumning qolgan 4 uchrashuvida g'alaba qozonsa ham kuchli to'rtlikka kira olmasligi ma'lum bo'ldi.

«Kanonirlar» oxirgi marta 2015-16 yilgi mavsumda EChL yo'llanmasini qo'lga kiritishgandi. O'shanda Arsen Venger boshqargan jamoa «Lester»dan keyin ikkinchi o'rinni egallagan.