Tuxel Gvardioladan yana ustun keldi

«Chelsi» APL 35-turida "Manchester Siti" mehmoni bo'lib safarda 2:1 hisobida g'alaba qozondi.

Tomas Tuxel murabbiylik faoliyati davomida Pep Gvardiolani ikkinchi marta mag'lub etdi. Bu ikkinchi ketma-ket g'alaba hisoblanadi. Bundan oldin 17 aprel kuni «Chelsi» Angliya Kubogi yarim finalida "Man Siti"dan ustun kelgandi (1:0).

Bunga qadar ular Germaniyada 5 marotaba to'qnash kelishgan. Tuxelning «Maynts» jamoasi Gvardiolaning «Bavariya»siga ikki marta yutqazdi. «Borussiya» bilan esa Tuxel ikki mag'lubiyat, bir durang qayd etgan.

Eslatib o'tamiz, 29 may kuni Chempionlar Ligasi hal qiluvchi o'yinida "Manchester Siti" va «Chelsi» klublari bellashishadi.

Manba: www.stadion.uz.