"Liverpul" ikki etakchisini jamoada saqlab qolmoqchi

"Liverpul" himoyachi Virjil van Deyk va yarim himoyachi Fabino bilan shartnomasini uzaytirmoqchi, deb xabar beradi jurnalist Fabritsio Romano.

Manbaning xabariga ko'ra, yanvar oyidan buyon 29 yoshli markaziy himoyachi bilan yangi shartnoma imzolash "Liverpul"ning asosiy maqsadi. O'z navbatida, Virjil klubdan taklif kutmoqda va muzokaralarga tayyor.

Shuningdek, "qizillar" rahbariyati Fabino bilan yangi shartnoma bo'yicha muzokaralarni boshlashni ham rejalashtirmoqda.

Ma'lumot uchun, har ikkala futbolchining klub bilan amaldagi shartnomasi 2023-yilning yozida o'z nihoyasiga etadi.