«Paxtakor» Sergeevning goli evaziga nazorat o'yinida g'alaba qozondi

"Sherlar" nazorat uchrashuvida "Dinamo"ni kichik hisobda dog'da qoldirishdi.

O'yinda murabbiylar avvalgi bellashuvda asosiy tarkibdan o'rin olmagan futbolchilar holatini sinovdan o'tkazishdi.

Toshkentliklar tashabbusi ostida o'tgan bahs taqdirini 43-daqiqada Igor Sergeev tomonidan kiritilgan yagona gol hal qildi. U birga-bir vaziyatda raqib posbonini aldab o'tib, bo'sh darvozaga to'pni yo'lladi.

"Paxtakor" navbatdagi uchrashuvni 5 mart kuni Tehronda Chempionlar Ligasi guruh bosqichi 1-turida "Persepolis"ga qarshi o'tkazadi.

"PAXTAKOR" - "DINAMO" - 1:0

Gol: Sergeev, 43 - 1:0.

"Paxtakor": Hamroev (Ergashev, 46), Salimov, Ahmadov, Asqarov, Kozak, Rahmatullaev (Sindarov, 64), Sobirxo'jaev, Abdurahimov (Mahmudhojiev, 64), Sidiqov (Iminov, 46), Yaxshiboev, Sergeev.