Gvardiola sovrinlar soni bo'yicha Mourinoga etib oldi

«Manchester Siti» Angliya liga kubogi finalida «Chelsi»ni penaltilar seriyasida mag'lub etdi.

Pep Gvardiola uchun mazkur muvaffaqiyat «shaharliklar» boshqaruvidagi to'rtinchi sovrin bo'ldi. 48 yoshli mutaxassis murabbiylik faoliyati davomida o'zining 25-sovriniga ega chiqdi. U sovrinlarining 14tasini «Barselona» bilan, 7tasini esa «Bavariya» bilan qo'lga kiritgan.

Bu borada Gvardiola «MYu» sobiq bosh murabbiyi Joze Mourino bilan tenglashib oldi. Portugaliyalik mutaxassis hisobida ham 25ta sovrin bor.

Evropaning top-5 chempionatlarida faoliyat olib borayotgan murabbiylar o'rtasida 3-o'rinda Karlo Anchelotti bormoqda (20ta sovrin).