Evropa Ligasi. «Tottenxem» Zagrebda «nokaut»ga uchradi

Evropa Ligasi nimchorak final javob o'yinlari doirasida "Tottenxem" Xorvatiyaga safar qildi. Zagrebning "Dinamo"siga qarshi kechgan bahs, mezbonlarning 3:0 ko'rinishidagi yirik g'alabasi bilan o'z poyoniga etdi.

Londonda 0:2 hisobida mag'lub bo'lgan "Dinamo" futbolchilari javob bahsining asosiy vaqtida ikki o'yin natijasiga ko'ra muvozanatni tiklashdi. Qo'shimcha bo'limda esa yana bir gol urib, keyingi bosqich yo'llanmasiga ega chiqishdi. O'yindagi uchchala golga ham Mislav Orshich mualliflik qildi.

"Dinamo Zagreb" Xorvatiya – "Tottenxem" Angliya 3:0 «Maksimir»

Gollar: 1:0 – 62 Orshich, 2:0 – 82 Orshich, 3:0 – 106 Orshich.

"Dinamo Zagreb" – Livakovich, Teofil-Katrin, Ristovski (Stoyanovich, 90), Lauritsen, Franich (Leovats, 81), Ademi, Yakich (Atemven, 75), Ivanushets, Maer (Gavranovich, 81), Orshich, Petkovich (Mishich, 90).

"Tottenxem" – Loris, Devis (Regilon, 90), Ore (Bergveyn, 108), Sanches, Dayer, Sissoko, Uinks (Ndombele, 68), Lamela (Beyl, 60), Alli (Lo Chelso, 68), Lukas Moura (Vinisius, 85), Keyn.

Ogohlantirishlar:
Lamela (22), Yakich (32), Lauritsen (79), Stoyanovich (92).