Penalti belgilandi. To'p yonida Siroj Sayfiev...

Bugun Samarqandning “Dinamo” jamoasida ko'p yillar mobaynida to'p surgan Siroj Sayfievni olamdan o'tganini eshitdim. Uzoq yillar saraton kasalliliga qarshi kurashdi. Sirojga turli xil xayriya orqali yig'ilgan mablag'lar orqali moddiy yordam ham ko'rsatildi.

Uning bu dunyoni tark etganligini eshitib, 2010 yildagi bir voqea yodimga tushib qoldi.
2010 yilgi chempionat yakunlari edi. “Sho'rtan” Samarqandda “Dinamo” jamoasi bilan bahs olib borgandi. Uchrashuv yakuniga etib borayotgan pallada hisob 1:1 edi.

So'nggi daqiqalar o'tib borayotgan paytda uchrashuv bosh hakami “Sho'rtan” jamoasi darvozasi tomon penalti belgiladi. “Nuqta”ga esa Sayfiev yaqinlashdi. Uning bergan zarbasi darvoza ustidan o'tib ketib, “Dinamo” tayyor g'alabani qo'ldan chiqargandi.

O'shanda “Dinamo” jamoasi bosh murabbiyi Viktor Jalilov penaltini amalga oshira olmagani uchun jahl ustida Siroj Sayfievni o'rniga uchrashuvning 86-daqiqasida Temur Vasilevni maydonga tushirgandi.

“Dinamo” (Samarqand) – “Sho'rtan” (G'uzor) 1:1

16.10.2010 yil. Samarqand.

“Dinamo” stadioni. 7225 tomoshabin.

Hakamlar: Ravshan Ermatov, Rafael Ilyasov, Abdulhamidillo Rasulov.

Gollar: Boydullaev 39 – Sh. Erkinov 74

Amalga oshirilmagan penalti: Siroj Sayfiev 85.

“Dinamo”: D. Romanenko, A. Nikolaev, D. Oniya, A. Bozorov, U. Qobilov, S. Mustafoev, E. Boydullaev, I. Yunusov, S, SAYFIEV (T. Vasilev 86), O. Krikliviy (H. Raxmonov 78), T. Qobilov.

Bosh murabbiy: Viktor Jalilov.

“Sho'rtan”: M. Alavidze (A. Korneychuk 46), A. Aliqulov, Sh. Raimqulov, Ya. Krushelnitskiy, V. Afonin (V. Klishin 65), V. Ponomaryov, A. Merzlyakov, Sh. Erkinov, I. Taran (L. Ubaydullaev 46), P. Agbo.

Bosh murabbiy: Edgar Gess.

Tarkibga ko'z yugurtirar ekanman, o'sha paytdagi "Dinamo" jamoasining ikki nafari hozir oramizda yo'q ekanligiga haligacha ishonish qiyin - Devid Oniya va Siroj Sayfiev.

Oilalariga sabr bersin!

Odilbek Tolipov