Ronalduning «Yuventus»dagi kelajagi mavsum oxirida hal etiladi

"Yuventus" hujumchisi Krishtianu Ronalduning klubdagi kelajagi hozircha noaniqligicha qolmoqda.

"CBS Sports" tarqatgan xabarga ko'ra, klub rahbariyati 36 yoshli futbolchining kelajagi borasida hali bir qarorga kelmadi. Ushbu masala mavsum oxiriga qoldirildi. Boisi, jamoa va futbolchi hozirda o'z e'tiborini Skudetto va Italiya kubogi uchun kurashga qaratishgan.

Avvalroq Krishtianu "Real"ga qaytishi mumkinligi haqida xabar tarqatilgan edi. Uning turinliklar bilan shartnomasi 2022 yilning yozida yakuniga etadi.

Ronaldu joriy mavsumda 33ta o'yinda maydonga tushib, 30ta gol urdi va 5ta golga uzatma berdi.