Diyor Imomxo'jaev bahsli vaziyatga izoh qoldirdi

Ayni dam davom etayotgan “So'g'diyona” hamda “Turon” jamoalari o'rtasidagi uchrashuvdagi bahsli vaziyatga Diyor  Imomxo'jaev qisqa izoh berdi.

Gap shundaki, 51-daqiqada mehmonlar darvozasiga belgilangan penalti takroriy lavhalarda ko'rilib to'p “Turon” futbolchisining qo'liga emas, yuziga tekkani ma'lum bo'ldi. O'zPFL bosh direktori vazifasini bajaruvchi Diyor Imomxo'jaev mazkur holatga o'z munosabatini bildirdi.

"Afsuski, oramizda bosh bilan qo'lning farqiga bormaydigan professionallar ham bor", - deb o'zdi Imomxo'jaev o'zining "Telegram"dagi kanalida.