"Barselona" niderlandiyalik futbolchi bilan shartnoma imzolamoqchi

"Barselona" "Liverpul" yarim himoyachisi Jorjino Veynaldumni hamon o'z safiga qo'shib olish niyatida, deb xabar bermoqda Football Insider.

Veynaldumning shartnomasi shu yilning yozida o'z yakuniga etadi va u erkin agent sifatida boshqa klublarga yo'l olishi mumkin. Kataloniya klubi esa unga shartnoma taklif qilishga tayyor.

Eslatib o'tamiz, 30 yoshli yarim himoyachi bu mavsumda 28 ta uchrashuv o'tkazdi va 2 ta gol urishga muvaffaq bo'ldi.