Afsonaviy «Marakana» stadioni Pele sharafiga qayta nomlanadi
/ Kiritdi: BestMaster Ko'rilgan: 124
Braziliyadagi afonaviy «Marakana» stadioni qayta nomlanadi.
Rio-de-Janeyro hukumati ovoz berish jarayonlaridan keyin o'yingohni Braziliya terma jamoasi va «Santos» klubi sobiq hujumchisi Pele nomi bilan atash qaroriga kelgan.
Stadion «Edson Arantis du Nasimentu — Qirol Pele» nomi bilan ataladi.
2021 yilda 80 yoshni qarshi oladigan Pele faoliyatidagi 1000-golini aynan mana shu stadionda urgan. Bu voqea 1969 yilda bo'lib o'tgan «Santos» — «Vasko da Gama» uchrashuvida sodir bo'lgandi.
«Marakana»ning bundan avvalgi rasmiy nomi «Jurnalishta Mariu Filyu» edi — arenani qurish loyihasi tasdiqlanishida faollik ko'rsatgan jurnalist sharafiga nomlangan.
Pele Braziliya terma jamoasi safida uch marta Jahon Chempionligini qo'lga kiritgan.
O'z vaqtida 200 mingga yaqin tomoshabinni bag'riga sig'dirgan (hozirda sig'imi 78,8 ming) mashhur o'yingoh 1950 yilda barpo etilgan. Unda Braziliya terma jamoasidan tashqari «Flamengo» va «Fluminense» kabi klublar uy o'yinlarini o'tkazadi. Shuningdek, «Botafogo» va «Vasko da Gama» klublari ham katta o'yinlarni aynan shu stadionda o'tkazadi.
Avvalroq «Napoli»ning uy stadioni «San-Paolo» Diego Maradona xotirasiga atab qayta nomlangandi.
Bosh sahifaga
283