Pochettino: «Biz esa shunchaki sabr qilib emas, «Barselona»ni mag'lub etgan holda keyingi bosqichga chiqishni istaymiz»

"PSJ" klubi bosh murabbiyi Maurisio Pochettino Evropa chempionlar ligasi nimchorak final bosqichidan o'rin olgan "Barselona"ga qarshi o'yin oldidan o'z fikrini bildirib o'tdi.

"Kim qanday reja qo'yganini o'yinning dastlabki daqiqalari ko'rsatib beradi. Bu har ikki jamoaga tegishli. "PSJ" 90 daqiqa davomida kontsentratsiyani saqlab turishi kerak. Biz esa shunchaki sabr qilib emas, uchrashuvda g'alaba qozongan holda keyingi bosqichga chiqishni istaymiz.

Og'ir o'yin bo'ladi. Keyingi bosqichga chiqish uchun esa birinchi bahsga nisbatan yaxshiroq o'ynash kerak bo'ladi. O'yin maksimal darajadagi e'tiborni talab qiladi. Biz hujum qilishimiz va g'alaba qozonishimiz kerak. Biz uchrashuvga shunday munosabatda bo'lamiz", — dedi Pochettino.

Eslatib o'tamiz, "Barselona" va "PSJ" jamoalari o'rtasidagi dastlabki o'yin 1:4 hisobi bilan yakunlangandi. Javob bahsi 10 martdan 11 martga o'tar kechasi Toshkent vaqti bilan tungi soat 01:00da boshlanadi.