Mourino: «"Tottenxem" bir mavsumda 100 ta gol urdi, bu mudofaa jamoasi uchun yomon emas»

"Tottenxem" bosh murabbiyi Joze Mourino London jamoasining himoya uslubi haqida hazilomuz gapirdi.

«Agar menga berilgan statistika to'g'ri bo'lsa, biz bir mavsumda 100 ta gol urdik. Bu esa mudofaa jamoasi uchun juda yaxshi. "Tottenxem" uchun yaxshi hafta bo'ldi - uchta o'yin, to'qqiz ochko.

Keyingi hafta biz xalqaro maydonda hal qiluvchi o'yinni o'tkazamiz bundan tashqari "Arsenal" bilan ham o'yinimiz bor. Shu sababli bu hafta to'qqiz ochko olganimizdan yaxshiroq xursandchilik yo'q», - deydi Mourino.

Ma'lumot uchun, portugaliyalik mutaxassis shogirdlari 27 uchrashuvda 45 ochko to'plagan holda oltinchi o'rinni band etishgan.

Eslatib o'tamiz, London jamoasi ushbu mavsum barcha musobaqalarda 100 ta gol urishga muvaffaq bo'lgan.