Shahzodbek Ubaydullaev Belarusda ilk rasmiy golini kiritdi (video)

«Metallurg» jamoasidan xorijga birinchi uchirmamiz Shahzodbek  Ubaydullaev Belarus chempionatidagi birinchi rasmiy golini kiritdi. Bu qishki tanaffusdan keyin «Shaxtyor» Soligorskning "Neman"ga qarshi o'yinida yuz berdi.

Birinchi taymdan so'ng durang qayd etilgach, soligorskliklar ustozi ikkinchi bo'limda maydonga O'zbekiston terma jamoasi hujumchisi Shahzodbek Ubaydullaevni maydonga tushirdi. Ubaydullaevning o'yinga faol qo'shilishi uchrashuv taqdirini hal etishda muhim rol o'ynadi. Shahzodbek hisobning ochilishida o'z hissasini qo'shishdan tashqari, natijaning yirik ko'rinish olishini ta'minladi.

Shahzodbek Ubaydullaevga keyingi o'yinlarida ham omad yor bo'lishini tilab qolamiz.