Jerrard jamoasi 10 yillik tanaffusdan so'ng yana chempionlikka erishdi

Shotlandiyaning «Reyndjers» klubi o'z tarixida 10 yil deganda ilk bora mamlakatning bosh sovriniga ega chiqdi.

Kecha jamoa «Cent-Mirren» ustidan yirik 3:0 hisobida g'alaba qozondi. Ushbu g'alaba Jerrard shogirdlariga yuz foiz chempionlikni taqdim eta olmas edi. Ular eng yaqin ta'qibchi «Seltik»ning ochko yo'qotishini kutishlari kerak edi. Yakunda ham «Seltik» o'z o'yinida durang (0:0) o'ynadi va bu natija «Reyndjers»ga kifoya qildi.

Qayd etish kerak, jamoa 2010/11 yilgi mavsumdan buyon ilk bor bosh titulga ega chiqdi. «Ko'klar» joriy mavsumni birorta mag'lubiyatsiz yakunlamoqda.