Sulsher: "MYu" fantastik o'yin ko'rsatdi, taktikam ish berdi"

"Manchester Yunayted" bosh murabbiyi vazifasini bajaruvchi Ole-Gunnar Sulsher Angliya kubogining 1/8 finalida "Chelsi" ustidan qozonilgan g'alabadan so'ng (2:0) fikrlari bilan o'rtoqlashdi.

"Fantastik o'yin ko'rsatdik, taktikamiz ish berdi. Yarimhimoyachilardan yuqori bosim uyushtirishni, jarima maydoniga to'p bilan kirishni so'ragan edik, bu yordam berdi. Ikkinchi bo'limda yaxshi himoyalandik.

"Chelsi" - yaxshi jamoa, ularning o'z uslublari bor, ammo Xuan Mata Jorjinoga qarshi juda yaxshi o'ynadi.

Bu juda muhim natija. "PSJ"ga qarshi o'yinlan so'ng bizni tanqid qila boshlashdi, bugun jamoadan nima so'ralgan bo'lsan, hammasini bajardik", - deydi Sulsher.