A seriya. «Latsio» — «Torino» o'yini bugun o'tkazilmaydi

Italiya chempionatining 25-turidan o'rin olgan «Latsio» va «Torino» jamoalari o'rtasidagi bahs o'tkazilmaydigan bo'ldi. Uchrashuv bugun — 2 mart kuni Rimda bo'lib o'tishi kerak edi, ammo Turin shahri rahbariyati jamoaning o'yinga borishiga ruxsat bermadi. Bu haqda Football Italia xabar tarqatdi.

Bunga "Torino" klubida koronavirus o'chog'i aniqlangani sabab sifatida ko'rsatilmoqda. Klub avvalroq mashg'ulotlarni ham to'xtatgan edi. A seriya hozircha ushbu o'yin taqdiri borasida bir qarorga kelmadi.

Eslatib o'tamiz, avvalgi turda o'tkazilishi kerak bo'lgan "Torino" - "Sassuolo" bahsi 17 mart kuniga ko'chirilgan edi.

Manba: sport24.ru