Buyuk Britaniya hukumati "Evro-2020"ning barcha o'yinlarini o'tkazishga tayyorligini e'lon qildi

Buyuk Britaniya yaqinlashib kelayotgan Evropa chempionatining barcha o'yinlarini o'tkazishga tayyor. Buni shaxsan bosh vazir Boris Jonson aytib o'tgan.

«Biz ular o'ynashni istagan va bo'lib o'tishi kerak bo'lgan har bir uchrashuvni qabul qilishga tayyormiz!»,- deya ta'kidlagan mamlakat bosh vaziri. Shuningdek, Buyuk Britaniya aholini koronavirusga qarshi emlashning tez sur'ati tufayli ko'proq o'yin o'tkazishga ham qodir.

Shu bilan birga, ushbu turnirni muvaffaqiyatli o'tkazish britaniyaliklarning JCh 2030ni o'zida o'tkazish huquqi uchun kurashishiga yordam berishi mumkin.

Ma'lumot uchun, Koronavirus pandemiyasi tufayli «Evro-2020» 2021 yilga qoldirilgan. Musobaqalar 12 shaharda - Sankt-Peterburg, London, Myunxen, Boku, Rim, Buxarest, Kopengagen, Amsterdam, Bilbao, Glazgo, Budapesht va Dublinda o'tkazilishi kerak.