6 mart kuni «Andijon» jamoasining tanishtiruv marosimi bo'lib o'tadi

Yangi mavsumda o'zgacha ko'rinish beradigan «Andijon» jamoamiz bahorning ilk kunlarida tanishtiruv marosimi o'tkazadi. Futbolchilarning tanishtiruv marosimi «Bobur Arena» o'yingohida bo'lib o'tadi.

Shuningdek, yangilangan «Bobur Arena» o'yingohining ochilish marosimi ham taqdimot marosimi bilan birgalikda o'tkaziladi. O'yingohning ochilish marosimida yurtimizning mashhur san'atkorlari bilan kontsert dasturi bo'lib o'tadi. Bir so'z bilan aytganda Andijonda haqiqiy bayram bo'ladi.

Tobora chiroy ochib borayotgan o'yingohni birinchilardan bo'lib tomosha qiling. Tanishtiruv va o'yingohning ochilish marosimi 6 mart kuni soat 15:00da boshlanadi. O'yingohga kirish mutlaqo bepul !