«Chelsi» — «Manchester Yunayted» qarama-qarshiligida 99 yildan beri kuzatilmagan natija qayd etildi

Angliya Premer Ligasining 26-turida «Chelsi» va «Manchester Yunayted» jamoalari 28 fevral, yakshanba kuni o'zaro to'qnash keldi. Uchrashuvda 0:0 hisobi qayd etildi.

Opta’ning xabar qilishicha, «Chelsi» va «Manchester Yunayted» jamoalari Angliya chempionati tarixida ikkinchi marta mavsumdagi ikki o'yinda ham nursiz durang qayd etdi. Ilk bor bunday holat 1921/22 yilgi mavsumda kuzatilgandi.

Ushbu jamoalar o'rtasidagi birinchi davradagi o'yin 2020 yilning 24 oktyabrida bo'lib o'tgan va unda ham 0:0 hisobi qayd etilgandi.

«Manchester Yunayted» 26 o'yinda 50 ochko to'plagan holda ikkinchi o'rinni egallab turibdi va peshqadam «Manchester Siti»dan (62) 12 ochko ortda qolmoqda. «Chelsi» (44) esa 5-o'rindan joy olgan.