«Chelsi» va «MYu» 99 yildan so'ng yana shunday natija qayd etdi

Angliya Premer-ligasining 26-turi doirasida, Londondagi «Stemford Brij» o'yingohida kechgan «Chelsi» hamda «Manchester Yunayted» jamoalari o'rtasidagi markaziy uchrashuv 0:0 hisobidagi durang bilan yakunlandi.

Opta Sport xabariga ko'ra, ushbu ikkala jamoa tarixda ikkinchi marta chempionatdagi har ikkala o'yinda ham 0:0 hisobida durang qayd etishdi. So'nggi marta bunday ko'rsatgich XX asrning birinchi yarmida, 1921/1922 yilgi mavsumda sodir bo'lgan edi.

Jamoalar o'rtasidagi dastlabki tur uchrashuvi 2020 yil 24 oktyabrda bo'lib o'tgan va 0:0 hisobidagi durang bilan yakunlangan.

Ma'lumot o'rnida, manchesterliklar 26 turdan so'ng, 50 ochko bikan APL turnir jadvalida ikkinchi o'rinni band etishgan. 44 ochko jamg'argan londonliklar esa beshinchi pog'onadan joy olgan.