«Paxtakor» «Humayd Bin Tayir» stadionida mashg'ulot o'tkazdi

"Paxtakor" Osiyo Chempionlar Ligasi pley-off bosqichi o'yiniga hozirlikni Dubayda davom ettirmoqda.

Shanba va yakshanba kunlari “sherlar” mashg'ulotlarni "Nasr" klubiga tegishli "Humayd Bin Tayir" stadionida o'tkazdi.

Har ikki kungi mashg'ulot bir yarim soatcha davom etib, murabbiylar ixtiyoridagi barcha o'yinchilar unda ter to'kishdi.

Akram Komilov yakka tartibda ishlayotgan bo'lsa, Dubayga etib kelgan qolgan 21 futbolchi Shota Arveladze qo'l ostida mashg'ulotlarda mehnat qilishdi.

Dushanba kuni o'yinga oid tadbirlar va "Paxtakor"ning "Al Maktum" stadionida rasmiy mashg'uloti bo'lib o'tadi.