Ayollar terma jamoamiz bugun TsSKA klubiga qarshi maydonga chiqadi

Antaliyadagi xalqaro turnirda ishtirok etayotgan O'zbekiston ayollar milliy terma jamoasi TsSKA vakillariga qarshi bahs oldidan rasmiy mashg'ulot o'tkazdi.

“Emir Hotels” sport majmuasida bo'lib o'tgan mashg'ulotlarda murabbiylar shtabi asosan futbolchilarning jismoniy va texnik tayyorgarligiga e'tibor qaratdi.

Bugun Bahrom Norsafarov murabbiyligi ostidagi terma jamoamiz Rossiya chempionatining ikki karra chempioni TsSKA klubi bilan kurash olib boradi.

Mazkur bahsda futbolchilarimiz oq liboslarda maydonda harakat qiladi. Uchrashuv O'zbekiston vaqti bilan soat 16.00 da start oladi.