«Bavariya» futbolchisi jiddiy jarohat olib, uzoq muddatga safdan chiqdi

«Bavariya» yarim himoyachisi Korenten Tolisso mashg'ulotda chap oyog'idan jarohat oldi. Frantsiyalik futbolchi qattiq baqiriq bilan maydonga quladi va maydonni golf mashinasida tark etdi.

"L’Equipe" tarqatgan xabarga ko'ra, Tolisso ushbu jarohat tufayli operatsiya stoliga yotdi. Uning tiklanishi uchun 3 oy vaqt ketadi. Shu tariqa, u Evro-2020ni o'tkazib yuborishi mumkin.

Tolisso 2017 yilda «Lion»dan «Bavariya»ga o'tgan edi. Joriy mavsumda u myunxenliklar safida 22ta o'yinda maydonga tushib, 3ta gol urdi.