"Yuventus" "Tottenxem" etakchisi uchun 89,5 million evro to'lashga tayyor

"Tottenxem" hujumchisi Son Xen Min faoliyatini Italiyada davom ettirishi mumkin.

Salciomercato nashri xabariga ko'ra, "Yuventus" 28 yoshli koreyalik futbolchini sotib olishni istamoqda, va hujumchi uchun 89,5 million evro to'lashga tayyor.

Ma'lumot uchun Sonning klub bilan amaldagi shartnomasi 2023 yilgacha mo'ljallangan. Transfermarkt portali futbolchini 90 million evroga baholamoqda.

Eslatib o'tamiz, joriy mavsumda Son barcha turnirlarda 34ta o'yin o'tkazib 17ta gol va 12ta gollik uzatma amalga oshirdi.