Nima uchun «Real»da jarohatlanganlar ko'payib ketdi? Zidan javob berdi

"Real" himoyachisi Dani Karvaxal Ispaniya chempionatining 23-turida bo'lib o'tgan "Valensiya"ga qarshi o'yinda (2:0) jarohat oldi.

Ispaniyalik futbolchi yaqindagina jarohatdan tuzalgan edi. Kechagi bahsda u 28 daqiqa o'ynadi, xolos.

"Jarohatlar haddan tashqari ko'payib ketgani meni iztirobga soladi. Futbolchi safdan chiqsa, murabbiy sifatida xavotir olaman. Bu jarohatning takrorlanishi bo'ldi, Karvaxal uchun afsusdaman. Ammo futbolchilarimiz nega buncha ko'p jarohat olayotganini tushuntirib bera olmayman", - dedi Zidan.

Manba: soccernews.ru