Bugun yoshlar terma jamoamiz «Qo'qon-1912» vakillari bilan bahslashadi

Ravshan Haydarov murabbiyligi ostidagi U22 O'zbekiston terma jamoasi Toshkentdagi o'quv-mashg'ulot yig'inini davom ettirmoqda.

Jamoa vakillari yig'in doirasida dastlabki nazorat bahsini «Andijon» klubiga qarshi o'tkazdi. Shohrux Abdurahmonov tomonidan kiritilgan yagona gol yakunda yoshlarimizga 1-0 hisobidagi g'alabani taqdim etdi.

Kecha U22 terma jamoamiz «Chig'atoy» bazasida navbatdagi bahsga tayyorgarlik mashg'ulotlarini olib bordi. Bugun esa ular Superliganing yana bir klubi «Qo'qon-1912» a'zolariga qarshi maydonga tushadilar. Ushbu uchrashuv soat 16.00 da «JAR» sport majmuasida bo'lib o'tadi.