O'zbekiston ayollar milliy terma jamoasi Antaliyaga jo'nab ketdi

O'zbekiston ayollar milliy terma jamoasi “Festival Women’s Trophy 2021” xalqaro musobaqada ishtirok etish uchun Antaliya shahriga yo'l oldi.

Ayollar o'rtasidagi Osiyo kubogi-2022 saralash bahslariga tayyorgarlik taqvimidan o'rin olgan ushbu turnirda vakillarimiz uchta uchrashuv o'tkazadi.

Rejaga ko'ra Bahrom Norsafarov shogirdlari Ekvator Gvineyasi, Nigeriya hamda Zambiya ayollar terma jamoalariga qarshi maydonga tushishlari lozim edi. Biroq Zambiya jamoasining ko'plab a'zolarida koronavirus infektsiyasi aniqlangani sababli, ular ushbu musobaqada ishtirok eta olmasliklari ma'lum bo'ldi.

Natijada turnir tashkilotchilari Zambiya vakillari o'rniga Rossiya ayollar chempionatining ikki karra chempioni TsSKA jamoasini musobaqaga taklif etdi.

“Festival Women’s Trophy 2021”
Antaliya, Turkiya

17 fevral
O'zbekiston – Ekvator Gvineyasi

20 fevral
O'zbekiston – Nigeriya

23 fevral
O'zbekiston – TsSKA