Maguayr: "Ishonamanki, biz hali ham chempionlik poygasidamiz"

"MYu" himoyachisi Xarri Maguayr APLning 24-turi doirasida kechgan "Vest Bromvich Albion"ga qarshi (1:1) o'yinidan so'ng fikr bildirdi.

«Biz bu uchrashuvda g'alaba qozonish uchun etarli bo'lgan juda ko'p imkoniyatlar yaratdik. O'ylaymanki, darvozamizga kiritilgan golda raqib futbolchisi Lindelyofga nisbatan qo'pollik ishlatdi. Biz o'yinning asosiy qismini "Vest Brom" jarima maydonida o'tkazdik.

Chuqur himoyalangan jamoaga qarshi bu qiyin ish edi. O'yinning 62-daqiqadasida raqib jarima maydonchasi ichida menga nisbatan qo'pollik bo'lgani va penalti belgilangani mutlaqo to'g'ri edi. Ammo, u bekor qilindi.

Qarorlar bizning foydamizga qarshi ishlayotganga o'xshadi. Ammo biz VARning qarorlariga qarshi chiqa olmaymiz. Ishonamanki, biz hali ham chempionlik poygasidamiz. Keyingi uchrashuvlarda faqat g'alaba qozonishimiz kerak”-deydi himoyachi.