EChL. «Liverpul» va «Leyptsig» o'rtasidagi har ikki o'yin betaraf maydonda o'tkazilishi mumkin

Evropa chempionlar ligasi nimchorak final bosqichidan o'rin olgan «Liverpul» va «RB Leyptsig» jamoalari o'rtasidagi dastlabki o'yin Leyptsigdan Budapeshtga ko'chirilgani haqida xabar berib o'tgandik.

Ular o'rtasidagi javob bahsi ham neytral mamlakatga ko'chirilishi mumkin.

"The Times" tarqatgan xabarga ko'ra, Germaniya hukumati "Leyptsig"ni, agar jamoa Buyuk Britaniyaga boradigan bo'lsa, ortga qaytganidan keyin 10 kunlik karantinga joylashtirilishi haqida ogohlantirdi. Bunday holatda jamoa Bundesliganing 2ta o'yinini o'tkazib yuborishiga to'g'ri keladi va ularga texnik mag'lubiyat yozilishi mumkin.

Shu bois, "Liverpul"ga qarshi javob uchrashuvi "Enfild" stadionida emas, boshqa mamlakatda o'tkazilishi mumkin.

Manba: bombardir.ru