O'zbekiston U-16 terma jamoasi Toshkentdagi yig'in doirasida bir qator nazorat o'yinlari o'tkazdi

O'zbekiston U-16 terma jamoasi poytaxtimizdagi "Chig'atoy" sport majmuasida o'quv-mashg'ulot yig'ini olib bormoqda. Terma jamoa bosh murabbiyi Azamat Abduraimov yig'in davomida terma jamoaga nomzod futbolchilarni sinovdan o'tkazmoqda. Shu maqsadda mazkur yig'inga 50 nafar futbolchi jalb qilingan.

Yig'inning birinchi bosqichida 25 nafar futbolchi ishtirok etdi. Ular 2003 yilda tavallud topgan "Chig'atoy" futbol jamoasi bilan nazorat uchrashuvi o'tkazib, yirik 3:0 hisobida g'alaba qozonishdi. Ikkinich nazorat o'yini "Paxtakor-2004" jamoasiga qarshi o'tkazildi. Mazkur o'yinda Azamat Abduraimov shogirdlari 1:0 hisobida zafar quchishdi. Mazkur 

Yig'inning ikkinchi qismiga yana 25 nafar futbolchi taklif qilingan bo'lib, ular ichidan ham terma jamoaga nomzod futbolchilar saralab olinadi. Bugun O'zbekiston U-16 terma jamoasi "Spartak 2003" jamoasi bilan nazorat o'yini o'tkazish rejalashtirilgan.

Yig'in 18 fevralga qadar davom etadi.