«Dinamo» «Qo'qon-1912»ni mag'lub etdi

Yangi mavsumga tayyorgarlikni Toshkentda olib borayotgan “Dinamo” jamoasi bugun Superliga vakili “Qo'qon-1912” klubiga qarshi to'p surdi.

Ushbu bahsdan ikki kun oldin Davron Fayziev shogirdlari “Surxon”ga qarshi o'yin (3:0) o'tkazishgani bois, murabbiylar shtabi “Qo'qon-1912” jamoasiga qarshi o'yinda ham aralash tarkibni maydonga tushirdi. Shu jumladan, qo'qonliklar ustozi No''mon Hasanov dastlabki bo'limda asosiy, ikkinchi bo'limda qator o'zgarishlarga qo'l urdi.

Dastlabki bo'limda qo'qonliklar qator imkoniyatlarga ega bo'lishgandi, ammo hisobni “Dinamo” jamoasi ochdi. Bobur Qosimovning goli tanaffusga “Dinamo”ni g'olib sifatida olib chiqdi, 0:1.

Ikkinchi bo'limda bosh murabbiy Davron Fayziev zaxiradan maydonga tushirgan Qadamboy Nurmetov va Damir Temirovlar o'z so'zlarini aytishdi. 52-daqiqada “Dinamo”da ko'rikda bo'lgan xorazmlik hujumchi hisobni 0:2 ko'rinishga olib keldi.

Oradan ikki daqiqa o'tar-o'tmas 54-daqiqada iqtidorli yosh yarimhimoyachi Damir Temirov o'z goli bilan hisobni yirik ko'rinishga olib keldi, 0:3.

“Qo'qon-1912” jamoasining ham o'zgarishlari vodiyliklar o'yinini kuchaytirdi. Natijada Suhrob Berdiev 71-daqiqada hisobni qisqartirdi, 1:3.

74-daqiqada esa tajribali hujumchi Shahboz Erkinov himoyachilardan chaqqonroq harakat qilib, hisobni yana qisqartirdi, 2:3.

O'yin yakunigacha har ikki tomon ham hisobni o'zgartirish uchun intilishgan bo'lsa-da, “Dinamo” yakunda “Qo'qon-1912” jamoasini mag'lub etdi.

Nazorat uchrashuvi. Toshkent, Chig'aytoy stadioni.

16 fevral (shanba)

“QO'QON-1912” - “DINAMO” – 2:3 (0:1)

Gollar: Suhrob Berdiev 71, Shahboz Erkinov 74 - Bobur Qosimov 42, Qadamboy Nurmetov 52, Damir Temirov 54.

“Qo'qon-1912”: 71. Boyan Knejevich, 7. Jamshid Hasanov, 17. Quvondiq Ro'ziev, 19. Suhrob Berdiev, 22. Murod Xolmuhammedov, 23. Aleksandr Merzlyakov, 55. Suhrob Ne'matov, 65. Marko Milich, 79. Iqbol Malikjonov, 95. Timur Usmonov, 97. Milosh Nikolich.

Ikkinchi bo'limda maydonga tushganlar: 30. Islom Abdullaev, 11. Timur Hakimov, 14. Avaz Mamatxo'jaev, 41. Jasur Yoqubov, 70. Shaxboz Erkinov, 78. Bexruz Sadilloev, 96. Muhammadanas Hasanov.

“Dinamo”: 16. Akram Xo'jaev, 4. Hakimxon A'lamxonov, 17. Otabek Narzullaev, 5. Avaz Agaliev, 23. Komil Sharofutdinov, Dilmurod Karimov, 22. Bobur Qosimov, 90. Shohruh Abduraimov, 10. Sardor Eminov, 19. Sanjar Barotov, 50. Vohid Shodiev.

Ikkinchi bo'limda maydonga tushganlar: 1. Shoxrux Eshbo'taev, 2. Mirkomil Lokaev, 15. Qadamboy Nurmetov, 18. Sherzod Jalilov, 20. Amir Safarov, 21. Damir Temirov, 9. Nozim Umurov, 24. Jasur Urinov.