Evropa Ligasi. Bugun pley-off o'yinlari bo'lib o'tadi

Bugun Evropa Ligasi musobaqasining 1/16 finalidan o'rin olgan uchrashuvlar bo'lib o'tadi.

Londonning «Arsenal» klubi Belorusga safar qiladi va u erda BATE bilan kuch sinashadi. «Inter» esa «Rapid» mehmoni bo'ladi. Rossiyaning «Krasnodar» jamoasi o'z maydonida «Bayer» bilan kuch sinashadi.

«Betis» safarda «Renn» bilan to'qnash kelsa, Kievning «Dinamo»si «Olimpiakos» mehmoni bo'ladi. Kunning markaziy o'yin Rimda kechadi, unda «Latsio» klubi «Sevilya»ni qabul qiladi.

So'nggi paytlar omadi yurishmayotgan «Chelsi» safarda «Malmyo» to'sig'idan o'tishga urinib ko'radi. «Seltik» va «Valensiya» jamoalari o'rtasidagi o'yin ham qiziqarli o'tishi kutilmoqda.

«Napoli» Shveytsariyaga safar qiladi va «Tsyurix»ni imtixondan o'tkazadi. «Shaxtyor» o'zida Frankfurtning «Ayntraxt» klubini qabul qiladi.